الاثنين، 27 يوليو 2009

الله يرحم زمان


زمان كانت الناس بتفضل تقول

العيش فيه مسامير

العيش فيه حديد

العيش فيه فران

وكانت حاجة مقرفة ومضرة فى نفس الوقت

طبعا الحكومات المتتالية قدرت تتغلب على الموضوع ده

معدش حد بيشوف الكلام ده فى العيش بصراحة وبقى نضيييف

بس الحاجات دى على أد مكانت مضرة الا انها كانت مرئية

أى يمكن رؤيتها بالعين المجردة و معرفتها عن طريق حاسة اللمس

ومعرفة رائحة العيش بحاسة الشم وحاسة التذوق كان ليها دور كبير فى العملية بردة

لاكتشاف الحديد والمسامير وخلافه .


اما دالوقتى وبعد التقدم اللى حصل فى رغيف العيش

وبعد القمح المسرطن وبعد القمح اللى فيه سوس مش باين وبعد الدرة اللى فيه حبوب حشيش والكلام ده

طبعا الحاجات دى لا ترى بالعين المجردة ولا يمكن معرفتها عن طريق اى حاسة من الحواس المختلفة

بل يتم اكتشافها فى المعامل الحديثة وده طبعا عايز المواطن المصرى

فده يخلينا نقول الله يرحم ايام زمان

ويخلينا نقول ربنا يرجع الايام دى بالسلامة


السبت، 25 يوليو 2009

طوابير


حياتنا كلها طوابير


البطاقة طابور

الباسبور طابور

الاستاد طابور

السينما طابور

العيش طابور

الجامعة طابور

التنسيق طابور

المرور طابور

ركن العربية طابور

العروسة اما يجيلها عرسان كتير يبقى طابور

المدرسة طابور

الجيش طابور

منطقة التجنيد طابور

البنوك طابور
حاجة ملل

خبز

الحب شئ مهم
ولكن الخبز
فى زمن قل فيه الحب
قد يكون أهم